Кэбээйи улууһун баһылыгын быыбарын барыллаан түмүгүнэн, 34 саастаах Иван Левин кыайда.
Ол курдук, киниэхэ 2929 (56,21%) киһи, урукку баһылык Игнатий Спиридоновка 2079 (39,90%), Серге Ваганяҥҥа 65 (1,25%) киһи куоластаабыт.
Иван Левин 1984 с. Кэбээйигэ төрөөбүт. Саха госуниверситетын (2008), Арассыыйатааҕы норуот хаһаайыстыбатын, судаарыстыбаннай сулууспа академиятын (2014) бүтэрбит. Олох-дьаһах хаһаайыстыбатын тэрилтэтин кылаабынай энергетигэ. СӨ «Муниципальнай дьокутаат оскуолата» бырайыак куратора. Үлэтин 2003 с. «Сахаэнерго» тэрилтэҕэ электромонтерунан саҕалаабыт.
Ангелина Васильева, “Саха сирэ” хаһыат, edersaas.ru
+1
+1
+1
+1
+1
+1
+1