Кэбээйигэ IT-киин арылынна

Бөлөххө киир:

Бэҕэһээ Кэбээйи улууһугар биир бэлиэ түгэн буолла. Ол курдук Кэбээйи нэһилиэгэр Григорий Кобяков аатынан модельнай бибилэтиэкэ баазатыгар аныгылыы толору хааччыллыылаах IT-киин арылынна.

edersaas.ru, Татьяна Максимова-Лазарева

Маннык бибилэтиэкэ иһинэн IT-киин арыллыыта өрөспүүбүлүкэҕэ ураты уонна бастакы буолла. «Цифровая экономика» национальнай бырайыак чэрчитинэн IT-киин сүрүн хайысхата үөрэҕирии научнай-техническэй өттүнэн сайдыыта буолар. Киин сүрүн соруга – улуус олохтоох нэһилиэнньэтин билиҥҥи сайдыы балысхан хаамыыларыгар түргэн-тарҕан быһаарыныыны ыларга, сайдыыны кытта тэҥҥэ хаамсарга туһалаах буолуоҕа.

Бүгүҥҥү ураты уонна сайдыыны түстүүр бэлиэ күҥҥэ IT-киин үлэтин саҕалыырыгар бу тэрилтэни аһа кэллилэр СӨ инновацияҕа, цифровой сайдыыга уонна инфокоммуникационнай технологияҕа миниистирин солбуйааччыта Георгий Андреев, СӨ инновацияҕа, цифровой сайдыыга уонна инфокоммуникационнай технологияҕа министиэристибэтин сүрүн исписэлииһэ Ариан Протопопов, СӨ инновационнай сайдыыга министиэристибэтин инновация отделын салайааччытын толорор Мичил Егасов, «Якутия» Технопарк инновацияҕа дириэктэрин солбуйааччыта Элеонора Винокурова. Киин аһыллыытыгар бастакы хардыылары оҥорон лиэнтэ быһыытын Кэбээйи улууһун баһылыгар Иван Левинтан, миниистири солбуйааччы Георгий Андреевтан уонна Т.Е.Сметанин аатынан улуустааҕы бибилэтиэкэ дириэктэриттэн Анна Ионоваттан көрдөстүлэр.

Улуус баһылыга Иван Левин эҕэрдэ, махтал тылларын эттэ:

«Бүгүҥҥү үөрүүлээх, долгутуулаах күн биһиги улууспут олохтоохторун информационнай өттүнэн сайдыыларыгар элбэҕи түстүүр. Бу үөрүүлээх күҥҥэ Ил Дархаммыт Айсен Сергеевич Николаевка, СӨ Бырабыыталыстыбатын, СӨ инновацияҕа уонна цифровой сайдыыга, инфокоммуникационнай технологияҕа миниистиригэр Анатолий Семеновка, «Якутия» Технопарк дириэктэрин э.т. Петр Габышевка махтанабыт».

Татьяна Максимова-Лазарева

+1
0
+1
0
+1
0
+1
0
+1
0
+1
0
+1
0