Кэбээйи уонна Дьааҥы нэһилиэктэрин оҕолоро сайыҥҥы сынньалаҥнарын лааҕырдарга атаарыахтара

Ааптар: 
Бөлөххө киир:

Аһара ардаабытын түмүгэр, үрэхтэр эмискэ халааннааннар Кэбээйи уонна Дьааҥы улуустарын дьоҕус нэһилиэктэрин уу ылла.

Кэбээйи улууһун Сэбээн Күөлүгэр бэҕэһээ уу хоромньутун ааҕыыга хамыыһыйа үлэлээбитэ. Чааһынай дьиэлэр тэлгэһэлэриттэн уу тэйбит. Оттон Дьааҥы улууһугар балаһыанньа уустук соҕус. От ыйын 10 күнүн сарсыардааҥҥы туругунан Дьааҥы улууһун Суордааҕар уу киритиичэскэй таһыма 770 см буоллаҕына, 850 см тиийбитэ. Быстах кэмҥэ дьонуолордор икки пуун аһыллыбыта. Нэһилиэк дьаһалтата суукканы эргиччи дьуһуурустубаны олохтоото. Томтор сэлиэнньэтигэр сорох намыһах учаастак ууга барар кутталлаах. Ол курдук,  киритиичэскэй таһым 950 см буоллаҕына, билигин 865 см тиийбит. Саха сиринээҕи УГМС иһитиннэрбитинэн, Дулҕалаах, Сартаҥ уонна Адыаччы үрэхтэргэ уу таһыма өссө үрдүөхтээҕэ күүтүллэр.

СӨ Бырабыыталыстыбатын бэрэссэдээтэлин 1-кы солбуйааччы Дмитрий Садовников  иһитиннэрбитинэн, Дьааҥы улууһугар  РФ ЫБМ -ын уонна СӨ Быыһыыр сулууспатын анал бөлөҕө көмөҕө диэн тиийбит. Аҕам саастаа, инбэлиит дьону уонна оҕолору Баатаҕайга  аҕалыы ыытыллар.
СӨ Үлэҕэ уонна социальнай харалтаҕа министиэристибэтэ саастаах  дьону уонна инбэлииттэрэ реабилитацияҕа диэн Дьокуускайга аҕалыы боппуруоһунан дьарыктанар.  Ону сэргэ, СӨ Үөрэҕин министиэристибэтин лииньийэтинэн оҕолор аан дойдутааҕы Арктическай оскуола сайыҥҥы лааҕырыгар сылдьаллара тэрилиннэ.

Сахагоф матырыйаалынан.

+1
0
+1
0
+1
0
+1
0
+1
0
+1
0
+1
0