Кэбээйи уонна Алдан оройуоннарыгар таһаарааччы ракета тобохторо түһүөхтэрэ

Кулун тутар 25 күнүгэр «Союз-2» таһаарааччы ракета «Восточнай» космодромтан көтүөхтээх. Ракета арахсар чаастарын тобохторо  Кэбээйи уонна Алдан оройуоннарыгар түһэллэрэ күүтүллэр.

edersaas.ru

Ракета сүһүөхтэрэ түспүт  сирдэрин исписэлиистэр бэрэбиэркэлээн, кэтээн көрүөхтэрэ. Былаан быһыытынан, Кэбээйи улууһугар исписэлиистэр номнуо  кулун тутар 20 күнүгэр көтүөхтээх этилэр да, күн-дьыл туруга мэһэйдээн, Кэбээйигэ бүгүн саҥа көттүлэр. Ол курдук «Дельта-К» бөртөлүөтүнэн СӨ Экологиятын министиэристибэтин, «Роскосмос» госкорпорация , «Хабаровский» агрохимическай сулууспа киинин бэрэстэбиитэллэрэ көттүлэр. Кинилэр хаар уонна сир анаалыһын ылыахтара.

Оттон Алдан оройуонугар исписэлиистэр сарсыҥҥыттан кэтээн көрөр үлэлэри ыытыахтара.

News.ykt.ru

Хаартыска: https://news.ykt.ru/upload/image/2021/03/117724/main.jpg?1616388011