Сэтинньи 9 күнүгэр Быыһыыр сулууспа суһал дьуһуурунайыгар Кэбээйи улууһун Сииттэтиттэн Дьокуускайга айаннаан испит сымнаҕас сыттыктаах суудуна (воздушная подушка) алдьаммытын туһунан иһитиннэрии киирбит.
Суудунаҕа үс киһи баар эбит. Эр дьон хас да күнү быһа техникаларын өрөмүөннүү сатаабыттар да, кыаллыбатах. Онон спутниковай сибээһинэн быыһааччыларга эрийбиттэр. Быыһыыр сулууспа исписэлииһэ Николай Фатеев иһитиннэрбитинэн, бу дьоҥҥо көмөҕө «Полярные авиалинии» авиахампаанньа бөртөлүөтэ көппүт.
Быыһыыр биригээдэни аан дойдутааҕы кылаастаах быыһааччы Андрей Юргин салайбыт. Десаннар бөлөхтөрүгэр аан дойдутааҕы кылаастаах быыһааччы Василий Павлов уонна үһүс кылаастаах быыһааччы Максим Колесов үлэлээбиттэр.
Эмсэҕэлээччилэр чопчу ханан баалларын координатоларын эрдэттэн көрөн, чопчу ол таһынан бөртөлүөт түспүт. Онон быыһааччылар көмөлөрүнэн үс эр киһи быыһанна.
edersaas.ru
+1
+1
+1
+1
+1
+1
+1