Кэбээйи Сииттэтигэр улахан баһаардар буола тураллар

Ааптар: 
Бөлөххө киир:

Атырдьах ыйын 11 күнүнээҕи туругунан, баһаартан барыта 94 киһи көһөрүллүбүтүттэн 61 оҕо.

Нэһилиэнньэ үксүн «Туймаада», «Лимузин» таксиларынан куоракка, Сангаарга уонна бөртөлүөтүнэн 16 киһи куоракка бардылар. Сангаарга балыыһаҕа икки киһи сытар. Билигин да уот бөһүөлэккэ киириитин куораттан, улуустан кэлбит дьоннор уонна олохтоохтор күүстэринэн тутан тураллар.
Бу баһаардар тыа хаһаайыстыбатынан дьарыктанар нэһилиэнньэ олоҕор улахан хоромньуну таһаардылар. Ол курдук Сииттэ от оттооһунугар үлэлэһэр биэс мобильнай биригээдэлэрэ өссө эрдэ Чурапчы, Мэҥэ Хаҥалас улуустарын кытта барыта 2 300 туонна оту оттуурга дуогабар түһэрсибиттэрэ. Бүгүҥҥү күн туругунан, оттообут отторо, оттуохтаах ходуһалара умайаннар ити дуогабары толорор кыахтара суох буолла.
Нэһилиэккэ от ыйын 1 күнүнээҕи туругунан, 448 ынах сүөһү, ол иһигэр 154 ыанар ынах, 349 сылгы, ол иһигэр 157 биэ баара этэ. Билигин бөһүөлэк таһыгар 142 ынах сүөһү баар, уоннааҕылар сылгылар ханна сылдьаллара биллибэт.
Баһаартан эмсэҕэлээбит икки ынаҕы, бир борооскуну эккэ тутуннулар. Бу туһунан Кэбээйи улууһун «Дабаан» хаһыата иһитиннэрэр.

edersaas.ru

+1
0
+1
0
+1
0
+1
0
+1
0
+1
0
+1
0