Коронавирус сыстыганнаах дьаҥын кэмигэр биир дойдулаахтар түмсүүлэрэ бэйэлэрин нэһилиэктэрин балыыһаларыгар араас өйөбүлү оҥороллор.
Ол курдук, 1982 сыллаахха Кэбээйи орто оскуолатын бүтэрээччилэр нэһилиэктэрин балыыһатыгар дьаҥы бохсууга туттуллар тэриллэринэн көмөлөстүлэр. Икки рециркуляторы, оҕо ингаляторын уонна биир кварцынан, икки ультрафиолетынан салгыны ыраастыыр уонна да атын наадалаах тэриллэри ылан биэрдилэр. «Төрөөбүт-үөскээбит Кэбээйигит дьонун доруобуйатыгар кыһалларгытыгар барҕа махтал!» — диэн балыыһа үлэһиттэрэ истиҥник махтаннылар.
Елена ПОТОЦКАЯ, Саха сирэ хаһыат, edersaas ru
+1
+1
+1
+1
+1
+1
+1