Татарстаҥҥа Саха сирин күннэрин иитинэн, Казань куоракка ИТ-пааркаҕа «Sakhainnovation» инновационнай бырайыактар быыстапкалара үлэтин саҕалаата. Быыстапкаҕа Саха сириттэн ИТ-хампаанньалар кытталлар.
Сүрүн тэрийээччилэринэн СӨ Инновацияҕа, сыыппара сайдыытгар уонна инфокоммуникационнай технологияларга министиэристибэ, «Технопарк «Якутия» ГАУ, СӨ инновациялары сайыннарыы пуондата, «Якутск» ИТ паарка кытталлар.
«Быыстапкаҕа Саха сирин технологическай уонна IT эйгэҕэ ситиһиилэрин билиһиннэриэхтэрэ. Маны сэргэ, ырыынак ирдэбилигэр, атыыга батарыы кэлэр өттүгэр хайдах буолуоҕар мониторинг ыытары былаанныыбыт, эспиэрдэри, инвестордары кытары кэпсэтиилэри ыытыахпыт. Быыстапка сыала — үөрүйэҕи атастаһыы, инвестордары, атыылаһааччылары, судаарыстыбаннай былаас органнарын кытары сибээһи олохтооһун, хантараакка илии баттааһын, пилотнай бырайыактары олоххо киллэрэргэ үлэлэһии», — диэтэ «Якутия» Технопарка салайааччыта Петр Габышев.
⠀»Sakhainnovation» инновационнай бырайыактар быыстапкаларыгар «Якутия» Технопарка резиденнэрэ бырайыактарын потенциальнай инвестордарга, партнердарга уонна килийиэннэргэ бэйэлэрин бырайыактарын көрдөрүөхтэрэ. Ону сэргэ, үлэлэрин сырдатыахтара уонна хантаактарын хаҥатыахтара.
Быыстапкаҕа «ЯКИТ» , «Буровые технологии», «Сайберия», «Софтвей++» «Skillometer», «Мондино Технолоджес», «Айгер», «Эгопласт» ХЭУо, «RUM Studio», «Индустрия будущего» АНО, ИП Лебедев Александр Михайлович — Покровскай куораттааҕы ИТ Киин кытталлар.
+1
+1
+1
+1
+1
+1
+1