Казахстан киин куората 2019 сыллаахха Нур-Султан диэн ааттаммыта. Бу сыл дойдуну 30 сыл салайбыт бэрэсидьиэннэрэ Нурсултан Назарбаев боломуочуйатын устубута, ол чиэһигэр куораты Нур-Султан диэн ааттаабыттара. Билигин төттөрү Астана диэн аатын төннөрүөхтэрэ.
Бу дьокутааттар быһаарыыларын Казахстан билиҥҥи бэрэсидьиэнэ Касым-Жомарт Токаев өйөөтө. Тоҕо диэтэр, куорат олохтоохторо Нур-Султан диэн ааттаммытын сөбүлээбэтэхтэр эбит. Онон, нэһилиэнньэ баҕатын учуоттаан, Астана диэн историческай аата төннөрө сөптөөх быһаарыы буолар.
Онтон Нурсултан Назарбаев аатынан ааттаммыт уулуссалар, болуоссаттар, тэрилтэлэр, о.д.а. ааттара уларыйбат, барыта оннунан хаалар.
Астанаҕа сыһыаннаах туох баар докумуоннарын, ыйынньыктары, о.д.а эмиэ уларытарга тиийэллэр.
Ангелина Васильева, “Саха сирэ” хаһыат, edersaas.ru
Хаартыска: СИА.