Өрөспүүбүлүкэтээҕи харах балыыһатын исписэлиистэрэ десант тэринэн, Таатта улууһун киин балыыһатыгар тиийдилэр.
Харах эмчиттэрэ миэстэтигэр тиийэн, катарактаны суох оҥорууга кэккэ эпэрээссийэни оҥордулар. Медицинскэй көмө босхо оҥоһулунна. Десант салгыы Томпо оройуонугар айанныаҕа.
Десаҥҥа сылдьар офтальмолог-быраас Максим Дьячковскай быһаарбытынан, катарактаҕа харах хурустаала болооруутуттан киһи көрөрө мөлтүүр. Харах болооруутуттан быыһанар ньыманан катарактаны суһаллык суох оҥоруу буолар. Өрөспүүбүлүкэ улуустарын олохтоохторо араас төрүөтүнэн куоракка кэлэн харахтарын көрдөрүнэр, эмтэтэр, эпэрээссийэлэтэр кыахтара суох. Онон, харах луохтуурдара миэстэтигэр бэйэлэрэ тиийэн көмөлөһөллөрө олус наадалаах.
Надежда ЕГОРОВА, “Саха сирэ” хаһыат, edersaas.ru
+1
+1
+1
+1
+1
+1
+1