Доруобуйа Сүрүн

Кардиологическай диспансер сыл бүтүүтэ үлэҕэ киириэҕэ

Дьокуускайга саҥа кардиологическай диспансер сыл бүтүүтэ үлэҕэ киириэҕэ.

Бары боппуруостар бэдэрээччити кытары кэпсэтиигэ быһаарсыллаллар. Бу туһунан соцситимнэринэн быһа эфир кэмигэр вице-премьер Ольга Балабкина иһитиннэрбитин Анастасия Филиппова СИА суруйар.

Санатан эттэххэ, аныгы кэм ирдэбилигэр эппиэттиир кардиологическай киин тутуллара тыын суолталааҕын өйдөөн, боппуруоһу СӨ Ил Дархана Айсен Николаев 2018 сыллаахтан туруорсубута, федеральнай киинтэн өйөбүлү көрдөөбүтэ, сыралаах уонна тиһиктээх үлэни ыыппыта. Итинтэн саҕалаан, доруобуйа харыстабылын эбийиэгин тутууга үлэ таһаарыылаахтык ыытыллан барбыта. Ол түмүгэр, өрөспүүбүлүкэҕэ улахан мэдиссиинэ тэрилтэлэриттэн биирдэстэрэ үүнэр сыл саҥатыттан пациеннары ылбытынан, көрбүтүнэн, эмтээбитинэн барар кыахтанна.

Улахан уораҕайга кардиология, нейрососудистай, неврология салаалара баар буолуохтара. Манна 25 реанимацияҕа куойка, 150 уопсай куойка былааннанар.

Хаартыскаҕа Мария Васильева (СИА) түһэриитэ

0
0