Кангалассы аннынан муус харыыта бэлиэтэнэр. Уус Алдан уонна Нам сорох нэһилиэктэрэ ууга барыахтарын сөп

Ааптар: 
Бөлөххө киир:

Ыам ыйын 22 күнүгэр Өлүөнэ өрүс эстэн Дьокуускай аннынан уонна киин куорат чугаһынан муус хойуутук устар. Кангалассы гидропост аттыгар муус харан, уу таһыма үрдүүрэ бэлиэтэнэр. Нам уонна Уус Алдан нэһилиэнньэлээх пууннара ууга барыахтара диэн сабаҕаланар. ЫБММ управлениятын аэромобильнай бөлөҕө харбыт мууһу дэлби тэптэрэ көттө.

Балаһыанньа кытааттаҕына көһөргө пууннар бэлэмнэр. Саха сиринээҕи ЫБММ кылаабынай управленията Нам уонна Уус Алдан олохтоохторугар сэрэтэр, сыаналаах малгытын-салгытын эрдэттэн дьиэ сарайыгар таһаарыҥ, докумуоннаргытын бэлэмнээҥ, уу таһымын кэтээн көрүҥ уонна олохтоох былаас дьаһалын истиҥ.

Эвакуация туһунан биллэриини истээт, докумуоннары инчэйбэт курдук харайан, эми-тому, сыаналаах малы, таҥаһы уонна атах таҥаһын хомунан, хас да хонукка аһыыр ас ылан, биллэриллибит эвакуационнай пуунна тиийиҥ.

Ил Дархан уонна Бырабыыталыстыба Пресс-сулууспата

+1
0
+1
0
+1
0
+1
0
+1
0
+1
0
+1
0