Санатан эттэххэ, баараҕай тутуу Арассыыйаҕа ханыыта суох диэн бэлиэтээн тураллар.
Бу дойду үрдүнэн орто үөрэҕи сайыннарыыга туһааннаах киэҥ далааһыннаах хамсааһын буолара тоһоҕоломмута. Кэнсиэпсийэ барылын СӨ Бырабыыталыстыбатын Стратегическай сэбиэтин мунньаҕар биһирээтилэр. Аныгы үйэ ураты тэрилтэтэ Дьокуускайга Хаҥалас (Кангаласс) түөлбэ сиригэр былааннанар. Кампуска орто анал үөрэх 10 кыһата киириэхтээх. Сүрүн сорук — эрэгийиэн сиригэр-уотугар үлэлиир бырамыысыланнай хампаанньалары кытары хардарыта сибээһи күүһүрдүү уонна бу үөрэх кыһатын бүтэрбит ыччаттарынан хааччыйыы.
—Манна бары хайысхалар эрдэттэн учуоттанылланнар, тэрилтэлэр дьиҥ наадыйар исписэлиистэрэ бэлэмнэнэн тахсыахтара, — диэтэ СӨ вице-премьер э.т. Сергей Местников.
Кини биир улахан тэрилтэҕэ орто анал үөрэхтээһин уон кыһата түмүллэрэ, үчүгэй түмүктээх буолуоҕар эрэнэр. Маныаха, Дьокуускайга бу тэрилтэлэр дьиэлэригэр уопсай үөрэх кыһалара киириэхтэрин, итинэн оскуолаҕа иккис симиэнэ диэн суох буолара ситиһиллиэҕин бэлиэтээтэ.
+1
+1
+1
+1
+1
+1
+1