Камчатскай кыраай уонна Саха сирэ Владивостокка буола турар IV Илиҥҥи экономическай форумҥа сөбүлэҥ түһэристилэр. Сөбүлэҥ чэрчитинэн, Камчаткаттан муора балыгын уонна бородуукталарын Саха сиригэр ыытар буолуохтара.
«Сөбүлэҥ чэрчитинэн, хотугу муора суолунан Европа уонна АТР дойдуларын кытта үлэлэһиини сайыннарыы, Арассыыйа эрэгийиэннэрин кытта балык уонна табаны иитиини сайыннарар бырайыактары оҥоруу уонна Камчаткаттан Саха сиригэр муора балыктарын уонна бородууксуйатын тиэрдии, култуура уонна туризм сайдыытыгар уопутунан үллэстии буолар»,-диэтэ Камчатскай кыраай губернатора Владимир Илюхин.
Камчатка уонна Саха сирэ 2018-2022 сылларга бииргэ араас тэрээһиннэри ыытыахтара. Түһэрсиллибит сөбүлэҥ боротокуола 2015 сыллаахха Камчатка уонна СӨ баттаспыт сөбүлэҥнэрин эбилигэ буолар.
Сантан эттэххэ, төрдүс Илиҥҥи экономическай форум балаҕан ыйын 11-13 күннэригэр Владивостокка ыытылла турар.
Николай Попов, «Саха сирэ» хаһыат, edersaas.ru