«Фтизиатрия» научнай-практическай киин тэрийэр уонна научнай үлэҕэ дириэктэри солбуйааччы, медицинэ наукатын дуоктара Мария Винокурова инстаграмынан быһа биэриигэ сэллик ыарыыттан уонна сыстыганнаах дьаҥҥҥа хаптарбат инниттэн чөл олоҕу тутууһуга болҕомтону туһаайда.
edersaas.ru
Интэриэһиргиир дьон «кальяны тардыыттан сэлликкэ сутуллуохха сөп дуо?» диэн ыйыппыттарыгар мэдиссиинэ дуоктара «кальяны иккиэ буолан тарда сылдьан, сэлликкэ сутуллубут холобурдара» баар диэн бэлиэтээтэ. Онон учуонай итинник дьаллыктан уонна электроннай табахтан (вейп) тэйэ туттар наадалааҕын ыйда.
— Маны таһынан, күннээҕи эрэсиими хайаан да тутуһар, үчүгэйдик нус-хас утуйан турар наада. Чөл олоҕу тутуһуҥ, элбэхтэ хамсаныҥ, — диэн ыҥырда Мария Винокурова.
Елена ПОТОЦКАЯ, «Саха сирэ» хаһыат, edersaas.ru
Хаартыска: chelny-biz.ru уонна kalyan4ik.ru саайтартан