Дьокуускайга дьиэ-уот төлөбүрүн төлөөрү ханна каасса аһаҕаһын дьон ыйытар. Дьэ, ханна үлэлиир эбиттэр?
Хамсык кэмигэр да иэһи-күүһү муспат туһуттан дьиэбит-уоппут төлөбүрүн төлүүр буоллахпыт. Ол эрээри ыарыыттан сибээстээн, сороҕор каассалар үлэлэригэр хаарчахтааһыннар киирэллэр.
“Якутскэнерго” хампаанньа пресс-сулууспата иһитиннэрэринэн, Дьокуускайга Туһанааччылары хааччыйар киин сэтинньи 17 күнүттэн үлэтэ салгыы ыытылларын туһунан иһитиннэрдэ. Ол эбэтэр, онно баар каассаларга туһанааччы быһаччы тиийэн төлүүр кыахтаах. Киин Федор Попов уулууссатын 21 №-гэр баарын бары билэҕит. Уонна сарсыарда 08:00 чаастан киэһэ 20:00 чааска диэри үлэлиир. Субуотаҕа – 18:00 диэри, өрөбүлгэ – 17:00 диэри.
Маны сэргэ сэтинньи 13 күнүттэн 19 күнүгэр диэри “Олоҥхо” киинигэр, “Холбос” дьиэтигэр, 202 мкр. 15А куорпуһугар, Каландаришвили 25 №-гэр, Чернышевскай 22/1, С.Данилов 3/2 , Можайскай уул. 27/А, Жатайга баар каассалар үлэлиэхтэрэ.
Бэлэмнээтэ Женни Стрюкова
Хаартыска: тустаах саайтан