Маны аах Тыа хаһаайыстыбата

Көтөрү иитии салаатын өйөөһүн кэҥэтиллэр буолла

Бырабыыталыстыба Бэрэссэдээтэлэ Михаил Мишустин көтөрү иитэр племенной хаһаайыстыбаларга өйөбүлү кэҥэтэр туһунан ыйаахха илии баттаата.

Онон көтөрү иитэр племенной хаһаайыстыбалар комплекс тутталларыгар, саҥа технологиянан сэбилэнэллэригэр көрсөр ороскуоттарын сорох чааһа бүддьүөттэн толуйуллар буолуоҕа. Ааспыт өттүгэр маннык өйөбүл сүөһү иитэр хаһаайыстыбаларга, оҕуруотчуттарга, сиэмэни силиэксийэлиир кииннэргэ көрүллэрэ.

Өйөбүл тыа сирин сайыннарыы судаарыстыбаннай бырагырааматын чэрчитинэн оҥоһуллар. Арассыыйа Тыатын хаһаайыстыбатын министиэристибэтэ суоттуурунан, бу көмөҕө тирэҕирэн, 2025 сылга диэри дойду тас өттүттэн племенной көтөрү киллэрии тохтотуллуоҕа, олохтоох хаһаайыстыбалар атахтарыгар туруохтара.

Раиса Сибирякова.

0
0
Telegram @edersaas20