Көһө сылдьар мэдиссиинискэй комплекстар табаһыттарга тиийдилэр

Бөлөххө киир:

“Доруобуйа харыстабыла” национальнай бырайыак чэрчитинэн, бастакы сүһүөх мэдиссиинискэй тэрилтэлэри  модернизациялааһын бырагырааматынан 2022 сылга мэдиссиинискэй тэрилтэлэр  автопааркаларын саҥардыы салҕаныаҕа.

Cанатан эттэххэ, былырыын бу бырагырааманан  54 массыына атыылаһыллыбыта, онтон быйыл 53 массыынаны ылыы  былааннанар.

Ону таһынан ыраах сытар улуустары мэдиссиинискэй тэриллэринэн хааччыйарга судаарыстыба көхтөөх өйөбүлүнэн, былырыын көһө сылдьар мэдиссиинискэй комплекстар атыылаһыллыбыттара. Ол тиэхиньикэлэр  үгүс улуустарга  ыраах сытар нэһилиэктэргэ тиийэллэр.

СӨ Доруобуйа харыстабылын миниистирэ Лена Афанасьева:

«Көлүөһэлээх мэдиссиинискэй пууннар былаан быһыытынан, ыраах сытар сэлиэнньэлэр уонна нэһилиэктэр олохтоохторугар диспансеризацияҕа, ыарыыны сэрэтэр чинчийиилэргэ, быһыыны биэриигэ кытталлар. Холобур, ааспыт нэдиэлэҕэ  комплекстар Томпо улууһугар тиийэн, табаһыттар түһэр сирдэригэр сырытта.  Табаһыттары уонна кинилэр дьиэ кэргэттэрин  терапевт уонна тиис быраастара көрдүлэр. Анаалыстары ылыыны, ыарыыны быһаарар процедуралары сэргэ  табаһыттарга коронавирус инфекциятын утары быһыыны биэрдилэр.  Уопсайынан, бу – оройуон киинигэр киирэ сатаабакка  хаачыстыбалаах мэдиссиинискэй көмөнү уонна сүбэни-аманы ыларга олус табыгастаах көрүҥ”, — диэн  мэдиссиинискэй комплекс  эмтиир уонна ыарыыны быһаарар процедураларга  аналлаах  тэриллэринэн барытынан сэбилэммитин тоһоҕолоон  бэлиэтиир.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0