Балаҕан ыйын 14 күнүгэр киин улуустарга эмиэ күүстээх тыал үрдэ. Күн-дьыл көнүөр диэри “Кангаласс-Суотту” хайысхатынан паром сырыыта тохтотулунна.
Оттон “Дьокуускай-Аллараа Бэстээх” хайысханан паром сырыыта аҕыйаата диэн тырааныспар министиэристибэтигэр сигэнэн, СИА суруйар. Ону тэҥэ, өрүс пуордуттан катерынан уонна 203-с түөлбэттэн “Ленатурфлот” салгын олбохтоох аалларынан пассажирдары таһыы эмиэ тохтоото. Чахчы, өрүс бааллыран, долгуннуран, кыра суудуналар сылдьаллара кутталламмыт.
Дьокуускайтан Аллараа Бэстээххэ диэри «В. Рукавишников» теплоход дьону таһар.
Тырааныспар уонна суол-иис хаһаайыстыбатын министиэристибэтэ бу күннэргэ өрүһү туорууртан, айанныыртан туттунуҥ диэн сүбэлииллэр.
Ангелина Васильева, “Саха сирэ” хаһыат, edersaas.ru
Хаартыска: СИА.