Көссүүлэспитин иһин быһахтаабыт

Ааптар: 
Бөлөххө киир:

Мииринэй полициятыгар оройуоннааҕы киин балыыһаттан иһитиннэрии киирбит. Искэ быһаҕынан анньыллыбыт киһи киллэриллибитин туһунан. 

edersaas.ru

Бу ыар буруйу оҥорууга уорбаланааччы быһыытынан эмсэҕэлээччи 27 саастаах ойоҕун туппуттар.

Бу чахчынан РФ Холуобунай кодексатын 111-с ыст. 2-с чааһын «з» пуунунан холуобунай дьыала тэриллибит. Ол эбэтэр, доруобуйаҕа ыарахан эмсэҕэлээһини соруйан оҥоруу бэлиэтэ баарынан.

Силиэстийэ сабаҕалыырынан, ити күн уорбаланааччы эрин көссүүлэспитин билэн, кинини дьиэтиттэн үүрэн таһаарбыт. Уонна бэйэтэ «истэриэһин уста» диэн, дьүөгэтин кытта түүҥҥү кулуупка барбыт.

Түүн хойут дьиэтигэр кэлбитэ — кэргэнэ хоско туох да буолбатаҕын курдук утуйа сытар эбит. Ону көрөн, дьахтар атыыр айдааны тардыбыт. Эр киһи ону сөбүлээбэккэ, утарылаһан-көмүскэнэн, тардыалаһан-охсуһан киирэн барбыттар.

Ол кэмҥэ дьахтар быһаҕы ылан, эрин искэ анньыбыт.

Ити курдук, көссүүлэһии бу ыалы иэнэ суох иэдээҥҥэ тиэрдибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0