Көс үөрэхтээһин «Арктика оҕолоро» диэн бырагыраамаҕа киириэн сөп диэн Феодосия Габышева иһитиннэрдэ.
Маннык этиини Саха сирин былааһа Федерация Сэбиэтигэр ыыппытын туһунан «Биир ньыгыл Арассыыйа» баартыйа «Саҥа оскуола» бырайыагын координатора, үөрэхтээһиҥҥэ, наукаҕа, култуураҕа парламенын кэмитиэтин бэрэссэдээтэлэ Феодосия Габышева иһитиннэрдэ.
Көһө сылдьар олохтоох норуоттар оҕолорун үөрэттэриигэ анал методика оҥоһулла илик. Учебниктар, кинигэлэр, дидактическай матырыйааллар суохтар. Туундара олохтоохторун оҕолорун үөрэтэр анал үөрэхтээх учууталлар суохтара саамай сүрүн кыһалҕа буоларын Феодосия Васильевна бэлиэтиир. Көһө сылдьар норуот оҕолорун үөрэхтэрин тэрийиигэ «Үөрэхтээһин» национальнай бырайыак чэрчитинэн федеральнай үбүлээһини эрэгийиэннэргэ көрүү туһунан этии киллэрдэ.
Ульяна Захарова.