“Көс олох – 2020” национальнай бырааһынньык онлайн киэбинэн ыытыллыаҕа

Ааптар: 
Бөлөххө киир:

Саха Өрөспүүбүлүкэтин төрүт олохтоох, аҕыйах ахсааннаах хотугу омуктарын Көс олох – 2020диэн национальнай бырааһынньыктара 2012 сыллаахтан, ХНТ Генеральнай Ассамблеята 1994 сыллаахха олохтообут төрүт олохтоох омуктар Аан дойдутааҕы күннэрин бэлиэтээһин чэрчитинэн ыытыллар.

edersaas.ru.

Быйылгы Көс олох – 2020национальнай сиэр-туом бырааһынньыга Улуу Кыайыы 75 сылыгар, Арассыыйа Федерациятын Сибиирдээҕи, Уһук Илиннээҕи уонна хотугу төрүт олохтоох, аҕыйах ахсааннаах омуктарын Ассоциациятын 30 сылыгар ананар.

Атырдьах ыйын 9 күнүгэр күнүс 12 чаастан Дьокуускай куорат светодиоднай экраннарыгар Саха Өрөспүүбүлүкэтин уонна Арассыыйа Федерациятын Уһук Хотугу, Арктикатааҕы оройуоннарын этническэй Ассоциацияларын эҕэрдэлэрин трансляцията, Улуу Кыайыы 75 сылынан «Кыайыы бырааһынньыктааҕы салюта» флешмоб көрдөрүүтэ буолуоҕа. Онлайн-бырааһынньыкка өрөспүүбүлүкэ этническэй ассоциацияларын уонна национальнай-култуурунай холбоһуктарын бэрэстэбиитэллэрэ кыттыыны ылыахтара. Дьаһалы А.Е.Кулаковскай аатынан Норуоттар доҕордоһууларын дьиэтэ, Арктиканы сайыннарыыга уонна омуктар дьыаларыгар министиэристибэ, төрүт олохтоох, аҕыйах ахсааннаах хотугу омуктар Ассоциациялара тэрийэн ыыталлар.

Раиса Сибирякова, «Саха сирэ» edersaas.ru.

+1
0
+1
0
+1
0
+1
0
+1
0
+1
0
+1
0