Сайын кэлээтин, үгэс быһыытынан, холуонньаларга ыһыаҕы бэлиэтээһин эмиэ саҕаланна.
Ол курдук, Дьокуускай куораттааҕы 2 №-дээх көс-холуонньаҕа ыһыахтара бэҕэһээ, бэс ыйын 7 күнүгэр, ыытылынна. Манна СӨ Култуураҕа уонна духуобунай сайдыыга министиэристибэтиттэн Наталья Сергеева, Павел Яковлев, ону таһынан, ырыаһыттар Айгылаан уонна Константин Степанов ыалдьыттаатылар.
Ыһыах сиэрин-туомун алгысчыт Александр Саввинов — Алгыстаах Өлөксөөн толордо.
Ол кэнниттэн күрэхтэһии уонна кэнсиэр буолла.
Бу туһунан РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.
+1
+1
+1
+1
+1
+1
+1