Сайтпытыгар сэтинньи 23 күнүгэр «Суһаллык! Хаайыылаах үлэлиир сириттэн күрээбит!» диэн иһитиннэриибит бэчээттэммитэ.
РФ Накаастабылы толорор федеральнай сулууспатын Саха сиринээҕи управлениета иһитиннэрбитинэн, үлэлиир сириттэн холуонньаҕа төттөрү кэлбэтэх хаайыылааҕы сэтинньи 25 күнүгэр туппуттар.
Дьокуускай куораттан төрүттээх, 27.03.1984 сыллааҕы төрүөх Жирков Денис Дементьевич 2013 сыл ахсынньы 13 күнүгэр уорууга, талааһыҥҥа буруйданан, 6 сылга көҥүлэ быһыллыбыт. Ити күрээбитин иһин буруйун боруостуур болдьоҕо өссө уһаан биэриэхтээх.
Бэлиэтээн эттэххэ, РФ Холуобунай-исполнительнай кодексатын 129-с ыстатыйатын ирдэбилинэн, көс-холуонньаҕа буруйдарын боруостааччылар харабыла суох сылдьаллар. Холуонньа дьаһалтата көҥүллээтэҕинэ, көс-холуонньа таһыгар үлэлиэхтэрин, гражданскай таҥаһынан сылдьыахтарын, харчылаах уонна сыаналаах маллаах буолуохтарын сөп.
Биһиги корр., «Саха сирэ» хаһыат, edersaas.ru
Хаартыска: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.