Бэрээдэк Уопсастыба

Көрдөрөн туран халыы сатаабыттар



Дьокуускай куорат түүҥҥү бардарыттан биирдэстэригэр каасса аппараатын халыы сатаабыт уолаттары Росгвардия полицейскайдара туттулар. 

edersaas.ru

Ол курдук, РФ Росгвардиятын федеральнай сулууспатын Саха сиринээҕи управлениетын пресс-сулууспата иһитиннэрбитинэн, итирик уолаттар бар кассирын кытта айдаарсан баран, харчылаах каассаны туура тутан илдьэ бара сатаабыттар.

Онуоха бар үлэһитэ тута «02» нүөмэргэ эрийэн тыллаабыт.

Урдустар каассаны сонон кыайан ылбаккалар, куотар аакка барбыттар.

Росгвардеецтар ориентировкалары тутан, бар чугастааҕы сирин-уотун, уулуссалары, атыы-эргиэн эбийиэктэрин чинчийэн көрдөөн, уорбаланааччылары Ленин уулуссатыттан булан туппуттар.

Бу Нам уонна Чурапчы улуустарыттан төрүттээх 24-26 саастаах урдустартан биирдэстэрэ урут уорууга түбэһэн, хаста да сууттана сылдьыбыт эбит.

Бу чахчынан бэрэбиэркэ барар.

Биһиги корр., «Саха сирэ» хаһыат, edersaas.ru

Хаартыска: РФ Росгвардиятын федеральнай сулууспатын Саха сиринээҕи управлениетын пресс-сулууспата.

 

0
0

Санааҕын суруй