Көҕөрдүүгэ туспа бырагыраама үлэлиэҕэ

Бөлөххө киир:

Дьокуускай баһылыга Евгений Григорьевтан суруналыыстар көҕөрдүү үлэтин туһунан ыйыттылар.

60-с сылларга.

Бу иннинэ киин куорат 400 сылын көрсө ыытыллыахтаах үлэни торумнуур «Якутск 4.0.0 Старт» пуорум буолбута. Онно Дьокуускай инфраструктуратын саҥардыы сүрүн хайысхаларын быһаарсыбыттара: уу ситимин тардыыны, кэлим көҕөрдүү үлэтин, уулусслары сырдатыыны, о.д.а. Бу ылыллыбыт соруктар 2032 сылга диэри толоруллуохтара. Ил Дархан Айсен Николаев «О развитии города Якутска — столицы Республики Саха (Якутия) на период до 2032 года» диэн ыйаах таһааран турар.

Билигин көҕөрдүү үлэтэ көдьүүстээхтик ыытыллар диир кыах суох. Мас олордобут, ол эрээри, 1-2 сылынан үгүстэрэ хатан хаалаллар. Ол иһин үлэлиир ньымабытын уларытыахпыт. 10 сылга үлэлиир тэрилтэлэри кытары хантараак түһэрсиэхпит. Кинилэр мас салгыы үүнэрин хонтуруоллуохтара. Иккиһинэн, олохтоохтор бэйэлэрэ мас олордор былаһааккаларын тэрийиэхпит. “Оҕо төрөттүҥ, мас олортуҥ” диэн өс хоһоонугар курдук. Оччоҕо олохтоохтор бэйэлэрэ кыттыһан, эппиэтинэстээх сыһыан улаатыа этэ. Ааспыт сылга «Зелёный кубок столицы» куонкуруһу ыыппыппыт. Сибэккини олордууга уонна көрүүгэ-харайыыга сыһыаннаах. Олохтоохтор көмөлөһөр, кыттыһар былааннаахтарын көрбүппүт, ити биһиэхэ улахан суолталаах. Уопсайынан, кэлим көҕөрдүүнү туспа муниципальнай бырагыраама оҥорор туһунан бу ааспыт пуорумҥа кэпсэттибит, — диэн Евгений Григорьев эттэ.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

+1
0
+1
0
+1
0
+1
0
+1
0
+1
0
+1
0