Олунньу 28 күнүгэр устудьуоннар икки ардыларыгар Саха-КВН финалын үһүс чиэппэрэ буолан ааста. Оонньууга «Саха Даймонд», «150», «ППОС ЯГСХА», «Түүҥҥү халлаан», «ZEMA» кытыннылар.
Лена Андреева, https://edersaas.ru
«Сэргэлээх уоттара» култуура киинигэр биир да иллэҥ миэстэ суоҕа. Бары дуоһуйа сынньанаарылар бэлэмнэнэн аҕай олороллоро. Хамаанда сыанаҕа таҕыста да, көрөөччүлэр тута күлэн тоҕо бараллара. Киэһээни быһа саала чуҥкуйбата. Онтон кытаанах киирсии кэнниттэн, салгыы полуфиналга дьүүллүүр сүбэ быһаарыытынан, «Саха Даймонд», «150», «ППОС ЯГСХА» хамаандалара хааллылар.
Сорох улахан дьон «КВН хамсааһына барыта көр-нар эрэ курдук, туохха да үөрэппэт» диэн санаалаах буолааччы. Төттөрү, Саха КВН өрөспүүбүлүкэбитигэр аан маҥнайгы тэриллибит сахалыы тыллаах хамсааһыннарга киирсэр. Ыччат саха тылынан саҥарарга уөрэнэригэр, сайдарыгар, дьон иннитигэр толлубакка бэйэтин санаатын этэригэр көмөлөһөр. Онон Саха КВН оруола улахан, туохха да наадата суох диир сыыһа.
Лена Андреева, https://edersaas.ru