Көрөөччү ыйытыыта: “Алдан тыата кэрдиллиэ дуо?”

Ааптар: 
Бөлөххө киир:

СӨ Бырабыыталыстыбатын отчуота хамсыгынан сибээстээн быйыл тэлэбиисэринэн ыытыллар. Көрөөччүлэр ыйытыыларыгар тута хоруйдары ылаллар.

 edersaas.ru

Быһа сибээс кэмигэр Алдан улууһун олохтооҕо Сахаяна Михайлова: “Алдан улууһугар маһы бэлэмниэхтэрэ дуо?”, — диэн устуудьуйаҕа төлөпүөннээн ыйытта. Тустаах ыйытыыга СӨ Айылҕа харыстабылын миниистирэ Сахамин Афанасьев хоруйдаата. “РФ Ойуур кодексатынан Саха сиригэр маһы кэрдэр бобуллар. Илин-Сибиирдээҕи ирбэт тоҥ оройуона буолан, маһы кэрдии сокуонунан бобуулаах.

Маһы бэлэмнээһин үс улууска көҥүллэнэр – Ленскэй, Алдан, Уус Маайа. РФ Рослесхоз сыллата инвентаризациялыыр үлэни ыытар, кэрдиллиэхтээх мас (древесина) кээмэйин учуоттуур. Маһы бэлэмнээһиҥҥэ сүүстэн тахса сыллаах мастар туһаныллаллар. Рослесхоз ыыппыт үлэтин түмүгэр, Алдан улууһугар икки учаастак бэлэмнэнэн федеральнай аукциоҥҥа тахсыбыта. Маһы бэлэмнээһин эйгэтигэр урбаан дьыалатынан дьарыктанар бырааптаах ханнык баҕарар урбаанньыт дэлээнэ ылар кыахтаах”, — диэн миниистир быһаарда.

Онтон бу иннинэ Алдан улууһугар дьарыктаммыт урбаанньыт, бэйэтин баҕатынан СӨ арбитражнай суутугар маһы бэлэмнээһиҥҥэ түүлэһии дуогабарын көтүттэрэ сылдьарын иһитиннэрдэ.

Людмила ПОПОВА, “Саха сирэ” хаһыат, edersaas.ru

Хаартыска: википедия

+1
0
+1
0
+1
0
+1
0
+1
0
+1
0
+1
0