«Көр, бу Арассыыйа!» күөн күрэскэ кыттыҥ

Ааптар: 
Бөлөххө киир:

Арассыыйа бары муннугуттан уонунан тыһыынча үөрэнээччи бэйэ-бэйэлэрин видеоаккырыыкканан эҕэрдэлэһэллэр.

Санатар буоллахха, «Көр, бу Арассыыйа!» диэн видеоаккырыыккалары атастаһыы куонкуруһун тэрийэр кэмитиэт бырайыакка кыттарга онлайн-регистрацияны биллэрбитэ.  Билигин уон тыһыынчаттан тахса киһи кыттар. Манна кыттарга Арассыыйа бары эрэгийиэннэриттэн сайаапкалар киирбиттэр уонна сэтинньи 1 күнүгэр диэри сайаапкалары ылыы салҕанар.
Бырайыакка Москваттан, Саха сириттэн, Краснодар кыраайыттан, Оренбург уобалаһыттан, Санкт-Петербуртан, Карачаево-Черкесияттан, Свердловскайтан, Москва уобалаһыттан көхтөөхтүк кытталлара бэлиэтэнэр.
Көхтөөхтүк кыттар эрэгийиэннэргэ бырайыак партнердарын, куратордары кытары куйаар ситиминэн көрсүһүүлэр ыытыллаллар. Кинилэр эрэгийиэн туһунан былыргы номоххо, сэһэҥҥэ олоҕуран хайдах уратытык, сэргэхтик, интэриэһинэйдик сырдатарга үөрэтиэхтэрэ-такайыахтара. Хамаандаларга алтынньы 15 күнүгэр Нижнэй Новгородтан Елена Богомолова, туризмы сайыннарыы киинин вице-бэрэсидьиэнэ, «Travel Battle» продюсера, «Вишнёвый садъ» тиэргэн хаһаайката, бизнес-тренер, «Мастера гостеприимства» күрэс финалиһа лиэксийэ аахпыта.
Бүтүн Арассыыйатааҕы «Көр, бу Арассыыйа!» видеоаккырыыккаларынан атастаһыы күөн күрэһэ аан бастаан былырыын Саха Өрөспүүбүлүкэтин Ил Дархана Айсен Николаев өйөбүлүнэн саҕаламмыта. Бырайыак бастакы сезонугар Арассыыйа бары эрэгийиэннэриттэн 17 500 киһи, куоластааһыҥҥа 200 тыһыынчаттан тахса киһи кыттыбыта.
Хамаандалар видеоаккырыыккаларынан атастаһаллар. Күрэс түмүгүнэн аһаҕас куоластааһын ыытыллар. Ол түмүгүнэн саастарынан үс бөлөҕүнэн кыайыылаахтар быһаарыллаллар: 6-10, 11-15 уонна 16-18 саастаахтарга. Хас биирдии бөлөх кыайыылаахтарыгар смартфоннар туттарыллаллар.
Күрэскэ кыттыыга регистрация сэтинньи 1 күнүгэр диэри ыытыллар. Кэрэхсээбиттэр куонкурус саайтыгар  ,  https://lookitsrussia.ru/registratsiya/ киирэн көрүҥ. Күрэс саайтыттан https://lookitsrussia.ru уонна телеграм-каналтан https://t.me/smotrirussia эбии сонуннары көрүөххүтүн сөп диэн иһитиннэрэллэр.
+1
0
+1
0
+1
0
+1
0
+1
0
+1
0
+1
0