Дьокуускайга А.Е.Кулаковскай аатынан норуоттар доҕордоһууларын дьиэтигэр «Күн табата» норуоттар икки ардыларынааҕы этническэй муода көһө сылдьар бэстибээлэ үһүс төгүлүн ыытыллар.
Далааһыннаах тэрээһин түһүлгэтигэр Алтайтан, Бурятияттан, Хакасияттан, Забайкалье кыраайыттан, Монголияттан кыттыыны ыла кэлэллэр. Ону сэргэ, Саха Өрөспүүбүлүкэтиттэн 40-тан тахса дьоҕурдаах модельердар үлэлэрэ көрдөрүллэрэ күүтүллэр.
Бэстибээл сэтинньи 29 күнүттэн ахсынньы 2 күнүгэр диэри салҕанар.
Сэтинньи 29 күнүгэр
Куонкуруска кыттааччылары хайысхаларынан тыырыы, моделларга таҥаһы кэтэрдэн көрүү сарсыарда 9 чаастан 11.00 чааска диэри былааннанар. Маны сэргэ, Норуоттар доҕордоһууларын дьиэтин иккис мэндиэмэнигэр, 219-с №-дээх саалаҕа үһүс төгүлүн ыытыллар бэстибээл каталогар анаан хаартыскаҕа түһүү 11.00 чаастан буолуоҕа.
Сэтинньи 30 күнүгэр
Норуоттар доҕордоһууларын дьиэтин кэнсиэртиир саалатыгар сарсыарда 10.00 чаастан «Үгэс буолбут этническэй көстүүм» куонкурус саҕаланар. Эбиэттэн киэһээ, 14.00 чаастан, «Аныгы этническэй көстүүм» хайысханан куонкурус ыытыллар. Сарсыардаттан киэһээҥҥэ диэри 3 мэндиэмэҥҥэ 301 саалаҕа «ЭтноАксессуар» быыстапка үлэлиир. Бу күн киэһээ 18.00 чаастан кэнсиэртиир саалаҕа «Күннээх таба» норуоттар икки ардыларынааҕы этническэй муода көһө сылдьар бэстибээлэ үөрүүлээх быһыыга-майгыга аһыллыа.
Ахсынньы 1 күнүгэр
Сарсыарда 10.00 чаастан «Сценаҕа кэтиллэр этническэй көстүүм» хайысхаҕа куонкурус 1 мэндиэмэҥҥэ ыытыллар. Онтон 17.00 чаастан кэнсиэртиир саалаҕа «Күннээх таба» этническэй муода бэстибээлин кыайыылаахтарын эҕэрдэлээһин. Бу күнү быһа «ЭтноАксессуар» быыстапка үлэлиэ. Киэһээ 18.00 чаастан кэнсиэртиир саалаҕа «Күннээх таба» норуоттар икки ардыларынааҕы III этническэй муода кыайыылаахтара кыттыылаах «Күннээх таба туһунан номох» GOLD шоу күүтэр.
Ахсынньы 2 күнүгэр
11.00 чаастан Норуоттар доҕордоһууларын дьиэтин 2 мэндиэмэнигэр, ыалдьыттары көрсөр хоско, «Күннээх таба» норуоттар икки ардыларынааҕы этническэй муода III бэстибээлин кыттыылаахтара уонна дьүүллүүр сүбэ «төгүрүк остуола» ыытыллар.
Бу күн киэһээ 18.00 чаастан «Триумф» СК «Кыһын Саха сириттэн саҕаланар» бэстибээл үөрүүлээх сабыллыытыгар, национальнай көстүүмнэр парааттарыгар «Күннээх таба» норуоттар икки ардыларынааҕы III этническэй муода бэстибээлин кыайыылаахтара кыттыыны ылыахтара.
Хаартыска: интэриниэттэн