Култуура Маны аах

«Күн төгүрүк алаадьыта» күрэскэ кытын

2018 сыллаахха  Саха Өрөспүүбүлүкэтин Ил Дархана Айсен Николаев ыам ыйын 22 күнүгэр Сайылык күнүн бэлиэтиир туһунан Ыйааҕа тахсыбыта.

edersaas.ru

Онтон ыла өрөспүүбүлүкэҕэ бу күн сайыҥҥылыы араас тэрээһиннэр ыытыллаллар.
Быйыл ыам ыйын 20 күнүгэр Дьокуускай куорат «Уокуруктааҕы норуот айымньытын киинэ, «Арчы Дьиэтэ» духуобунай култуура киинэ Сайылык күнүн көрсө уонна Ийэ сылынан «Күн төгүрүк алаадьыта» диэн күөн күрэһи ыыталлар.
«Арчы дьиэтэ» духуобунай култуура киинигэр ыытыллар күрэс сыала-соруга:

— Саха норуотун сиэрин-туомун тутуһан, төрүт үгэһи дьоҥҥо-сэргэҕэ тарҕатыы, утумнааһын;
— Саха төрүт айыы аһынан, алаадьынан дьон сүргэтин көтөҕүү;
— Ас-үөл култууратын сайыннарыы, бэйэ кыаҕын арыйыыга туһанарыгар олук ууруу;
— Айыы аһын алаадьыны араас көрүҥнэрин дьоҥҥо-сэргэҕэ көрдөрүү.

Күрэскэ сааһыттан тутулуга суох биирдиилээн дьон, бөлөҕүнэн, ас тэрилтэлэрэ, улуустартан баҕалаахтар кытталлар. Эр дьон, уолаттар кытталлара биһирэнэр.
Дьүүллүүр сүбэ ирдэбилинэн, кыттааччы ыытар сайаапкатыгар астыыр алаадьытын ырысыаба эрдэттэн суругунан бэриллиэхтээх. Алаадьы туһунан алгыс сиэрин-туомун, биир эбэтэр хас да хоһоону, эбэтэр айымньы үҥкүүтүн, сыанканы, ырыаны, уруһуйу, муоданы уо.д.а  араас көрүҥтэн  талан ылан толоруу ирдэнэр. Кыттааччылар астаабыт  алаадьыларын араас көрүҥнэрин, оҥоһуллар ньымаларын кэпсээн билиһиннэриэхтээхтэр.
Алаадьы  сахалыы сандалыга, иһиккэ-хомуоска киэргэтиллэн тупсаҕайдык  бэриллиэхтээх.
Кыттааччы алаадьытын ырысыабын, онорбут ньыматын  билиһиннэриэхтээх.
Күрэскэ кыттарга  5 мүнүүтэ бэриллэр.
Күрэс түмүгэр саха аһылыгын биллиилээх маастардара маастар-кылаас ыытыахтара.
Кыайыылаахтарга Кылаан Чыпчаал, Үрдэл, Үктэл, анал ааттар иҥэриллиэхтэрэ, Бочуоттаах грамоталарынан уонна анал кубоктарынан наҕараадаланыахтарга, кыттааччыларга Туоһу суруктар бэриллиэхтэрэ.
Кыайыылаахтар ону тэҥэ “Туймаада ыһыаҕа –2022» үөрүүлээх аһыллыытыгар алаадьыга аналлаах анал тэрээһиҥҥэ кыттыахтара.

Кыттыан баҕалаахтар билсэллэр:
«Арчы Дьиэтэ» духуобунай култуура киинэ, Чернышевскай уул. 24, билсэр төл. 89142719343, электроннай почта Kutalu_Kyo@mail.ru
Сайаапканы ыам ыйын 5 күнүттэн 18 күнүгэр диэри туталлар.

Надежда ЕГОРОВА, «Саха сирэ», edersaas.ru

 

0
0
Telegram @edersaas20