Таатта улууһугар Даайа Амма, Тыараһа, Октябрьскай, Дьохсоҕон нэһилиэктэрин икки ардыларыгар аҕам саастаахтар дэкээдэлэрин чэрчитинэн, куйаар ситиминэн ыытыллыбыт «Күһүнүм кыратык бытаарыый, абылыыр чуумпуну тохтотууй” хоһоону ааҕыы күөн күрэһигэр сэттэ киһи кытынна.
Хоһоону ааҕалларын видеоҕа устан ыыппыттарын, үс киһиттэн састааптаах дьүүллүр сүбэ көрдө, сыаналаата.
Дьүүллүүр сүбэ састаабыгар Слепцова Матрёна Дмитриевна — «Хардыы» уус — уран ааҕыы түмсүүтүн салайааччыта, Тыараһа нэһилиэгин бибилэтиэкэрэ, Галина Николаевна Другина — М.А.Петров аатынан Дьохсоҕон нэһилиэгин бибилэтиэкэрэ, «Куорсун» айар түмсүү салайааччыта, Елена Афанасьевна Филатова — Таатта улууһун «Уран тыл» түмсүү чилиэнэ, Октябрьскай нэһилиэгин «Иэйии» түмсүүтүн чилиэнэ, Октябрьскай нэһилиэгэ кытыннылар.
Дьүүллүүр сүбэ күөн күрэс кыттыылаахтара хоһооннору ис дууһаларыттан иэйэн олус үчүгэйдик аахпыттарын, күрэскэ бэлэмнэммиттэрэ көстөрүн бэлиэтээтэ. тылар. Түмүккэ 1 миэстэни Дьохсоҕонтон «Куорсун» түмсүү чилиэнэ Колмогорова Акулина Павловна ылбыт. Кини «Күһүҥҥү чараҥмар» (ааптар Надежда Зыкова — Сандаара) хоһоону аахпыт. Иккис бириистээх миэстэҕэ «Сардаана » уһуйаан иитээччитэ Любовь Герасимовна Турнина И.Колодезникова — Ымыы суруйбут «Көмүс күһүн» хоһоонун аахпыт. Үһүс бириистээх миэстэҕэ «Күһүн» диэн хоһоону аахпыт Х.И.Кашкин аатынан Даайа Амма орто оскуолатын учуутала Александра Петровна Анисимова тахсыбыт.
«Хомоҕойдук ааҕааччы»— Нина Ивановна Турнина (Тыараһа, хоһоон ааптара Вера Давыдова, Тыараһатааҕы коррекционнай оскуола учуутала), «Иэйиилээхтик ааҕааччы» — Нюрианна Васильевна Чехордуна (бэйэтин хоһоонун аахпыт, Тыараһа нэһилиэгин «Сардаана» уһуйаан психолог педагога) анал ааттар хаһаайыннарынан буолбуттар. Туоһу суруктар Александра Петровна Гаврильеваҕа (Октябрьскай), Акулина Михайловна Егасова- Дьохсоҕон кыыһыгар («Куорсун» айар түмсүү) туттарыллыбыттар.
Дьүүллүүр сүбэ күрэскэ кыттыбыт бары дьоҥҥо махтанан туран «Хоһоону айылҕаттан ааҕар талааҥҥытынан истээччилэргитин кэрэхсэтиҥ, сүргэлэрин көтөҕүҥ, санааларын сандаарда туруҥ» диэн баҕа санааларын тиэртилэр. Эһиилги күрэскэ өссө элбэх киһи кыттарыгар баҕардылар.