Дьокуускай куорат полициятыгар балыыһаттан иһитиннэрии киирбит. Ойоҕоһо тостубут киһи киллэриллибитин туһунан.
Суһал-ирдиир тэрээһиннэр кэмигэр оперативниктар бу буруйу оҥорууга уорбаланааччыны туппуттар — киин куорат ханна да үлэлээбэт 23 саастаах олохтооҕо эбит.
Барыллаан быһаарыынан, эмсэҕэлээбит киһиэхэ билэр кыыһа табаарыһынаан ыалдьыттыы кэлбиттэр. Маннык түгэннэргэ үксүгэр буоларын курдук, билсиһиини аһыы утаҕынан бэлиэтээбиттэр.
Ол олорон, кыыстан сылтаан ардырҕаһыы буолбутугар, ыалдьыт дьиэлээх хаһаайыны сутуругунан түөскэ охсубут. Охсуута күүһүттэн хаһаайын уол ойоҕоһо тостубут.
Бу чахчынан «Доруобуйаҕа орто ыарахан эмсэҕэлээһини соруйан оҥоруу» ыстатыйанан холуобунай дьыала тэриллибит.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1