Бүтүн Арассыыйатааҕы «Улуу Кыайыы Дьоруойдара» күөн күрэскэ кыттарга Саха сирин олохтоохторун ыҥыраллар.
Кэпсээн, уочарка, хоһоон, ырыа (эпическэй, устуоруйа, байыаннай-патриотическай), уруһуй, хаартыска күрэһэ биллэрилиннэ. Далааһыннаах күрэс сэттис төгүлүн ыытыллар. Тэрийээччилэр — Арассыыйа Суруйааччыларын холбоһуга, РФ Оборона, Үөрэх, Култуура министиэристибэлэрэ, РФ судаарыстыбаннай бибилэтиэкэтэ, «Не секретно» издательскай дьиэ.
Күөн күрэскэ кыттааччылар тэрийээччилэргэ үлэлэрин ыыталлар. Куонкуруска ким баҕарар кыттара көҥүл. Оҕолорго уонна улахан дьоҥҥо анал ааттар туттарыллаллар. Ону сэргэ, РФ Сэбилэниилээх күүстэрин байыаннай сулууспалаахтарыгар, кинилэр дьиэ кэргэннэригэр туспа номинациялар олохтоноллор.
Сайаапкалаах үлэлэргитин gvp2017@mail.ru аадырыска 2021 сыл муус устар 1 күнүгэр диэри туталлар. Сайаапка толоруллар холобурун героивеликойпобеды.рф официальнай саайтан көрүөххүтүн сөп.
СӨ Ил Дархан уонна Бырабыыталыстыба пресс-сулууспата