Күнүү быһа сиэбит киһититтэн — эр киһи да буоллун, дьахтар да буоллун — туох да үчүгэйи күүппэккин. Сорох ардыгар ити кыдьык ыарахан содулга да тиэрдиэн сөп.
Ол курдук, Уус Алдан улууһун Чараҥ сэлиэнньэтин олохтооҕо дьахтар бэйэлээх бэйэтин эрин соруйан өлөрүүгэ буруйданар. Быһылаан бу сайын, от ыйын ортотугар буолбут.
Бииргэ аһааһын-сиэһин кэнниттэн ыалдьыттара барбыттарын кэнниттэн ойоҕо кэлэ сылдьыбыт дьахтарга күнүүлээн, айдааран турбут. Уонна өр быһаарса барбакка, түөскэ быһаҕынан биирдэ анньан, миэстэтигэр өлөрбүт.
Бу холуобунай дьыала силиэстийэлэнэн бүтэн, Уус Алдан борокуратуурата буруйдуур түмүгү бигэргэтэн, дьыаланы суут көрүүтүгэр ыыппыт.
Бу туһунан СӨ Борокуратууратын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1