Маны аах

Күн-дьыл билгэтэ: атырдьах ыйын 15-16 күннэрэ

Бүгүн, атырдьах ыйын 14 күнүгэр, Дьокуускайга сөҥүү түһэрэ  күүтүллүбэт. Соҕурууттан сөкүүндэҕэ  2-7 миэтэрэ түргэннээх тыалырыа, салгын  температурата +26 +28°.

Атырдьах ыйын 15-16 күннэригэр Дьокуускайга, Горнай, Уус Маайа, Үөһээ Бүлүү улуустарыгар  V кылаас таһымнаах ойуур баһаарын куттала  суоһуура сабаҕаланар.

Атырдьах ыйын 15 күнүгэр Ленскэй, Өлүөхүмэ, Мииринэй уонна киин улуустарга  быстах ардах түһэрэ билгэлэнэр. Бүлүү бөлөх улуустарга, Эдьигээҥҥэ,  Дьааҥыга түүнүн, Томпоҕо, Өймөкөөҥҥө күнүһүн,  быстах ардах түһүөҕэ. Соҕурууттан, соҕуруу-арҕааттан 5-10 м/с түргэннээх тыалырыа.

Атырдьах ыйын 16 күнүгэр Томпоҕо, Өймөкөөҥҥө, Халымаҕа, күнүһүн Мииринэй, Сунтаар, Ленскэй улуустарыгар быстах этиҥнээх ардах түһэрэ күүтүллэр. Хаҥалас, Амма, Алдан улуустарыгар сорох сиринэн ардыаҕа. Хотугулуу арҕааттан 9-14 м/с түргэннээх  тыалырыа, түүн салгын температурата  +12+17°, күнүһүн +19+24° сылаас.

Буруо Дьокуускайга, киин, өрүс нөҥүө уонна Бүлүү бөлөх улуустар сорох нэһилиэктэригэр баар буолуоҕа.

«Саха сирэ» хаһыат, edersaas.ru

Хаартыска: Якутия. Оперштаб телеграм-ханаалтан

0
1