Өлөөн улууһун Харыйалаах сэлиэнньэтигэр олорор Анна Степановна Охлопкова 2012 сыллаахха кыракый кыысчааҥҥа күн сирин сырдыгын бэлэхтээбитэ.
edersaas.ru
Хомойуох иһин, кыысчаана Даниела Айааловна Охлопкова билигин “ращела мягкого твердого неба” диэн диагнозтанан, инбэлиит диэн араҥаҕа киирсэр. Ийэлээх кыыс сыл аайы Дьокуускай куоракка кыысчаан доруобуйатын туругун көрдөрүнэ кэлэргэ күһэллэллэр. Оттон бу сотору от ыйын 26 күнүгэр эрдэттэн былааннаныллыбыт эпэрээссийэҕэ кэлиэхтээхтэр. Өлөөнтөн Дьокуускайга диэри көтөн кэлэргэ биир киһиэхэ 32150 наада (оҕоҕо аҥаара төлөнөр). Ол аата иккиэннэригэр 96 тыһ солк. курдугу төлүөхтэрин наада. Ханнык да министиэристибэ кинилэр ороскуоттарын төлөөбөт эбит.
Анна Степановна күн дьонун үтүө санаатыгар эрэнэн, бар дьонугар көрдөһүүтүн тириэрдэргэ эрэдээксийэттэн көрдөһөр. «Күн киһитэ көмүскэс, айыы киһитэ аһыныгас» диэн санаанан салайтаран, 89241674844 нүөмэргэ эбэтэр 639002769004115088 (Сбербаан) счекка кыра да көмөнү ыыттахха, кырачаан кыыс доруобуйата көнөрүгэр күүс-көмө буолуо этибит.
«Саха сирэ», edersaas.ru анаан Сардаана НИКОЛАЕВА