Көмөҕүт иһин махтанабыт!

Ааптар: 
Бөлөххө киир:

Халааҥҥа түбэһэн, үгүс ороскуоту, кыһалҕаны көрсүбүт Суордаах олохтоохторо кимнээххэ махтаналларын манна ааҕыҥ. Эһиги эмиэ көмөлөһүҥ!

Биһиги, Суордаах  сэлиэнньэтин олохтоохторо, “Якутская Арктика” уопсастыбаннай тэрилтэ эрэгийиэннээҕи ыстаабын (бэрэсидьиэн Е.Х.Голомарева) салайааччыта Скобелева Лариса Михайловнаҕа, Тамара Попова салайааччылаах Арктика бэтэрээннэрин сэбиэтигэр, “Азбука” маҕаһыын ситимин дириэктэригэр, ТПП чилиэнэ Нина Семеноваҕа, “Айар” НКИ, “Дьокуускай к. аптекалара” МУП-ка, Хозмаркекка (Максим Феоктистов), “Розтор” тэрилтэҕэ (Валерий Алексеев), “Сахабулт” АУо (Максим Васильев) , “Якутская Арктика” чилиэннэригэр уонна “Полярные авиалинии” АК (Семен Винокуров), “Якутоптторг” (Николай Алексеев), Арктика улуустарын олохтоохторугар, Саха сиригэр олорор национальнай общиналарга дириҥ махталбытын тиэрдэбит.

“Күн киһитэ — көмүскэс, Айыы киһитэ-аһыныгас” диэн саха киһитин үтүө санаатынан салайтаран, Дьааҥы оройуонун салалтатын сатабыллаах, түргэн дьаһалынан олус суһаллык күүс-көмө буолан, үбүнэн, аһынан-таҥаһынан көмөлөспүккүт хайҕаллаах. Төрөөбүт бөһүөлэкпитин халаантан чөлүгэр түһэригэр улахан сыал-сорук туруорунан, хамсанабыт, дьаһанабыт. Хаһан да сахалыы сайаҕас, аһыныгас санааҕыт самныбатын, бары биир түмсүүлээх буолан, туруоруммут сорукпутун ситиһиэҕиҥ. Бу ыарахан күннэрбитигэр араас министиэристибэлэр үлэһиттэрэ сүбэлээн-амалаан барбыттарыгар эмиэ махтанабыт!

Владимир Стручков, Суордаах дьаһалтатын баһылыга

+1
0
+1
0
+1
0
+1
0
+1
0
+1
0
+1
0