“АЛРОСА” хампаанньа иһинэн үлэлиир “Анаабыр алмаастара” 2019 сылга 5 мөлүйүөн караат алмааһы, 120 киилэ кыһыл көмүһү уонна платинаны Булуҥ улууһугар баар «Молодо», Анаабырдааҕы «Эбэлээх», «Морҕоҕор» уонна Өлөөҥҥө «Хара мас», «Талахтаах» учаастактартан хостуур былааннаах.
edersaas.ru
Үгэс быһыытынан, “Анаабыр алмаастара” көмүһү сууйууну бэс ыйыттан саҕалаан баран, балаҕан ыйыгар түмүктүүр. Бу кэмҥэ 2,5 тыһыынча кэриҥэ киһи баахта ньыматынан баран үлэлиир. Үгүс өттүгэр улуус олохтоохторо бэйэлэрэ үлэлииллэр.
Хампаанньа салайааччыта Павел Маринычев иһитиннэрбитинэн, сууйуу кэмэ этэҥҥэ ааһарын туһугар, бастатан туран, улахан болҕомтону бэлэмнэнии үлэтигэр уураллар. Ол курдук, эрдэттэн мууһу уулларан кумаҕы хостоон таһаараллар.
2018 – 19 сылларга 5,5 тыһыынча м3 кээмэйдээх торфаны хостоон таһаарбыттар уонна 5 тыһыынча м3 алмаастаах кумаҕы бэлэмнээбиттэр. Кыһыҥҥы өттүгэр таһаҕаһы тиэйэргэ массыына суолларын, үрэхтэри туоруур сирдэри бэлэмнээбиттэрэ. Кыһыҥҥы суолунан уонна муоранан, өрүһүнэн 67 тыһыынча туонна таһаҕас, ол иһигэр уматык, тиэхиньикэ тиэллибитэ.
edersaas.ru