СӨ Бырабыыталастыбатын бэрэссэдээтэлэнин солбуйааччы Дмитрий Бердников Саха сиригэр үлэлии кэлбит Федеральнай медицинскэй-биологическай ааҕыныстыба эмчиттэригэр наҕараадалары туттарда.
Эмчиттэргэ Ил Дархан Айсен Николаев аатыттан уонна өрөспүүбүлкэ парламеныттан Махтал суруктары туттардылар. Бу туһунан СИА иһитиннэрдэ.
Наҕараадалары 15 эмчити кытта ФМБА Сибиирдээҕи федеральнай научнай-килиниичэскэй киин генеральнай дириэктэрэ Борис Баранкин тутта.
«Атырдьах ыйын 24 күнүттэн Арассыыйа эмчиттэрэ Саха сирин быраастарын кытта биир сүбэнэн коронавирус сысытыганнаах дьаҥынан сутуллубут дьону эмтиир “кыһыл зонаҕа” үлэлээтилэр. Ойуур баһаардарыгар үлэлээбит дьон доруобуйаларын көрдүлэр”, — диэн эттэ Дмитрий Бердников.
Ил Түмэн сис кэмитиэтин салайааччыта Владимир Чичигинаров, коронавируһунан ыалдьыбыт дьону эмтээһиҥҥэ ФМБА эмчиттэрэ сүҥкэн көмөнү оҥорбуттарын бэлиэтээтэ.
Елена ПОТОЦКАЯ, “Саха сирэ” хаһыат, edersaas.ru
Хаартыскаларга Мария Васильева (СИА) түһэриилэрэ