Күөлгэ туалеты туруорбуттарга административнай дьыала тэрилиннэ
Бэҕэһээ Сайсары күөлүгэр 12 чаастан «Виктория» миэбэл-солуона Кыһыны атаарыы бырааһынньыгын ыыппыта. Онно Сайсары күөл хабайар хаба ортотугар туалет кабинкаларын туруорбуттара биллэн, ол туһунан сайтка тута тахсыбыта. Ону ааҕаат, дьон-сэргэ сонно аймаммыта, бэркиһээбитэ.
Александр ТАРАСОВ, «Саха сирэ», edersaas.ru
Айдаан тахсыбыт күнүн киэһэтигэр СӨ айылҕа харыстабылын министиэристибэтин быһаччы орооһуутунан, туалет кабинкалара хомуллубуттара.
Кирилл Алчин, Дьокуускайдааҕы айылҕа харыстабылын кэмитиэтин бэрэссэдээтэлэ:
– Үҥсүү киирээтин кытта, кабинкалары тута хомуйдубут. Анал лаборатория исписэлиистэрэ ууттан уонна хаартан боруоба ылан анаалыска ыыттылар. Боротокуол суруллан, буруйдаахтарга административнай дьыала тэрилиннэ, ыстараап көрүллүөҕэ. Сарсын кэмитиэккэ «Виктория» миэбэл-солуона аатыгар тэриллибит дьыаланы көрүү буолуоҕа.
Александр ТАРАСОВ, «Саха сирэ», edersaas.ru