Бүлүү улууһун I Күүлэт сэлиэнньэтигэр олорор Егоровтар дьиэ кэргэннэригэр Олимпиада диэн ааттаах ынахтара бөлүүн түүн ньирэйи төрөтөн үөртэ.
edersaas.ru
Ынах тоҕо Олимпиада диэн ааттаммыта туспа төрүөттээх. Ол курдук, 2018 сыллаахха олунньуга, XXIII кыһыҥҥы Олимпиада кэмигэр, төрөөбүт ньирэйдэрин Олимпиада диэн ааттаабыттара. Дьэ, онон 4 саастаах ынах, кэмим кэллэ диэбиттии, бэҕэһээ, олунньу 7 күнүгэр аан бастаан төрөөтө.
Сүөһүлээх дьон үөрүүлэриттэн Дьокуускайга олорор оҕолоругар кэпсээбиттэригэр тапталлаах сиэннэрэ Амелия кырачаан ньирэйи Пекин диэн ааттыырга этии киллэрдэ.
Дьэ, онон сиэн кыыс Амелия сайын буола охсон, эбэлээх-эһээтигэр Пекины, Пекинчигы көрө бара охсоору иҥнэ үрдүгэр олорор.
Надежда ЕГОРОВА, «Саха сирэ», edersaas.ru
+1
+1
+1
+1
+1
+1
+1