Күүһүлээһиҥҥэ уорбаланааччы хаайылынна

Ааптар: 
Бөлөххө киир:

Бүгүн сайтпытыгар иһитиннэрбиппит курдук, Дьокуускай куоракка кулун тутар 17 күнүгэр Орто Азияттан төрүттээх, 23 саастаах киһийдэх Кузьмин уулуссатынан дьиэлээн испит дьахтары күүһүнэн массыынатыгар олордубут.

edersaas.ru

РФ Силиэстийэлиир кэмитиэтин Саха сиринээҕи управлениета иһитиннэрбитинэн, ол «Тойота Королла» массыынатыгар олордон баран, Севастопольскай уулуссаҕа турар гараастар диэки илдьибит. Уонна онно тиийэн тохтоон баран, дьахтары күүһүлээбит.

Ол күүһүлээн баран, автомастерскойга баар табаарыстарыгар илдьэн хаалларбыт. Ол дьон утуйбуттарын кэнниттэн дьахтар куотан, силиэстийэлиир уорганнарга бэйэтэ тыллаабыт.

Бу чахчынан «Күүһүлээһин» уонна «Киһини уоруу» ыстатыйаларынан холуобунай дьыала тэриллэн силиэстийэлэнэр.

Эмсэҕэлээбит дьахтар көрдөрбүтүнэн, кинини биир киһи уорбут уонна күүһүлээбит.

Онон, автомастерскойга хаайбыт икки киһиэхэ силиэдэбэтэллэр «Эрдэттэн киксибит бөлөҕүнэн киһи көҥүлүн сокуоннайа суохтук быһыы» ыстатыйанан холуобунай дьыала тэрийбиттэр.

Ити күн киэһэтигэр киин куорат Комсомольскай болуоссатыгар көҥүлэ суох, стихийнэй миитин тэриллибитэ. Дьон миграннар сокуону кэһиилэрин, буруйу оҥорууларын утары санааларын этээри мустубуттара.

РФ Силиэстийэлиир кэмитиэтин Саха сиринээҕи управлениета иһитиннэрбитинэн, бүгүн, кулун тутар 18 күнүгэр, Дьокуускай куорат федеральнай суута күүһүлээһиҥҥэ уорбаланааччыны силиэстийэ кэмигэр Силиэстийэлиир изоляторга хаайарга уурбут (хааччахтыыр миэрэ).

Оттон уорбаланааччы атастара тутуллубуттар.

Санатар буоллахха, бүгүн «Триумф» спортивнай комплекс дьиэтигэр киэһэ 20.00 чаастан ити быһылаанынан сибээстээн, көҥүллэммит мунньах буолар. 

Биһиги корр., «Саха сирэ» хаһыат, edersaas.ru

Хаартыска: РФ СК Саха сиринээҕи управлениета.

+1
0
+1
0
+1
0
+1
0
+1
0
+1
0
+1
0