Эрдэ иһитиннэрбиппит курдук, Дьокуускай куоракка кулун тутар 17 күнүгэр дьахтары күүһүлээһиҥҥэ буруйданар Орто Азияттан төрүттээх, 23 саастаах киһийдэх силиэстийэ кэмигэр хаайыллыбыта.
Санатар буоллахха, кини ол күүһүлээн баран, сиэртибэтин автомастерскойга баар табаарыстарыгар илдьэн хаалларбыт. Ол дьон утуйбуттарын кэнниттэн дьахтар куотан, силиэстийэлиир уорганнарга бэйэтэ тыллаабыт.
Бу чахчынан «Күүһүлээһин» уонна «Киһини уоруу» ыстатыйаларынан холуобунай дьыала тэриллэн силиэстийэлэнэр.
Онтон дьахтары автомастерскойга хаайбыт икки киһиэхэ силиэдэбэтэллэр «Эрдэттэн киксибит бөлөҕүнэн киһи көҥүлүн сокуоннайа суохтук быһыы» ыстатыйанан холуобунай дьыала тэрийбиттэрэ.
Дьокуускай куорат федеральнай суутун пресс-сулууспата кулун тутар 20 күнүгэр иһитиннэрбитинэн, суут уурааҕынан, бу икки киһи ыам ыйын 17 күнүгэр диэри болдьоххо эмиэ Силиэстийэлиир изоляторга хаайыллыбыттар.
Онон, улахан айдааны таһаарбыт холуобунай дьыала фигураннара үһүөн хаайыллан сыталлар.
Биһиги корр., «Саха сирэ» хаһыат, edersaas.ru
Хаартыска: интэриниэттэн.