Көҥүл тустууга Арассыыйа чөмпүйэнээтигэр билиэти сүүрбэ мүнүүтэнэн атыылаһан бүтэрбиттэр
Кулун тутар 11-15 күннэригэр Бурятия Улан-Удэ куоратыгар көҥүл тустууга Арассыыйа чөмпүйэнээтэ ыытыллыахтаах. Иккис уочараттаах билиэт атыыта сүүрбэ мүнүүтэнэн бүппүт диэн сонун Улан-Удэттан кэллэ.
edersaas.ru
Ол иннинэ Бурятия успуордун уонна ыччат бэлиитикэтин миниистирэ Вячеслав Дамдинцурунов көрөөччүлэри билиэтинэн, анал ыспыраапкаларынан эрэ киллэриэхпит диэн эппитэ.
—Атыыга уопсайа 900 билиэт баар. Трибуналар уҥа уонна хаҥас кытыылара элбэх ахсааннаах делегацияларга анаммыта. Сүрүн трибуна улахан аҥара Бурятия спортивнай тустуутун федерациятыгар бэриллибитэ. Тоҕо диэтэххэ, бу чөмпүйэнээккэ, бастатан туран, олохтоох тириэньэрдэр, тустуу бэтэрээннэрэ киириэхтээхтэр дии саныыбын, – диэн миниистир эппит.
Кулун тутар 7-гэр диэри эрэгийиэннэр билиэти атыыласпатахтарына, сарсыҥҥы күнүгэр билиэттэр көҥүл атыыга тахсыахтара. Күнүскү бырагыраамаҕа сыана 500 солкуобай буолуоҕа, киэһээҥҥи бырагыраамаҕа 1000 солкуобай.
Чөмпүйэнээт финалларын «Матч ТВ» федеральнай ханаал быһа биэриигэ уонна олохтоох ханааллар көрдөрүөхтэрэ.
Саха сириттэн 25 тустуук кыттара былааннанар.
Хаартыска SportYakutia.ru саайтан.