Көҥүл тустууга Аан дойду кубогын үөрүүлээх арыллыыта буолла

Кулун тутар 16-17 күннэригэр Дьокуускайга «Триумф» спорт киинигэр көҥүл тустууга Аан дойду кубога ыытылла турар. Манна
Арассыыйа, АХШ, Грузия, Куба, Япония, Иран, Турция уонна Монголия хамаандалара кытталлар.

Бастакы эргиир түмүктэммитин кэнниттэн Аан дойду кубогын үөрүүлээх арыллыыта саҕаланна.

Тустуу аан дойдутааҕы түмсүүтүн бэрэсидьиэнэ Ненад Лалович: «Кубок Саха сиригэр Айсен Николаев уонна Михаил Мамиашвили үтүө өҥөлөрүнэн ыытылла турар. Өрөспүүбүлкэ олохтоохторугар тустуу үгэстэрин убаастыыргыт иһин махтанабын», — диэн тыл эттэ.

Арассыыйа тустууга федерациятан бэрэсидьиэнэ Михаил Мамиашвили: «Убаастабыллаах Саха сирин олохтоохторо, кубок кыттааччылара! Саха сирин чулуу уолаттарын Павел Пинигины, Роман Дмитриевы, Александр Ивановы, Виктор Лебедевы чиэстээн өрөспүүбүлүкэҕэ бу күрэхтэһии ыытылла турара улахан суолталаах», — диэн ыалдьааччылары эҕэрдэлээтэ.

Саха сирин Ил Дархана Айсен Николаев:
«Ыраахтан-чугастан мустубут дьону үөрүүлээх күнүнэн — көҥүл тустууга Аан дойду бастыҥ бөҕөстөрө Саха сиригэр күрэхтэһиилэрэ саҕаламмытынан итиитик-истиҥник эҕэрдэлиирбин көҥүллээҥ. Убаастабыллаах Ненад Лалович, Михаил Мамиашвили!
Саха сиригэр Аан дойду кубогын иһин бастыҥтан бастыҥнар кэлбиттэриттэн олус үөрэбит. Саха сирин ыалдьааччылара аан дойдуга биир бастыннарынан билинэллэр. Саха сиригэр Аан дойду кубога арыллыбытынан ааҕабын», — диэн кубогы үөрүүлээх арыйда.

Салгыы иккис эргиир саҕаланна.

edersaas.ru