Саха литературатын тѳрүттэһээччи, комедия жанрын саҕалааччы Н.Д. Неустроев тѳрѳѳбүтэ 125 сылыгар аналлаах «КҮЛҮҮ КҮҤҤЭ ТЭҤНЭЭХ» диэн көрдөөх-күлүүлээх драмалыы айымньыны суруйууга өрөспүүбүлүкэтээҕи айар күрэс биллэриллэр.
Күөн күрэһи Саха сирин Суруйааччыларын сойууһа, «Таатта улууһа» мунипальнай тэриллии, «Чолбон» сурунаал эрэдээксийэтэ, И.А.Аргунов аатынан Тааттатааҕы киин бибилэтиэкэ ситимэ тэрийдилэр.
Күрэс сыала-соруга:
— Суруйааччы Н.Д. Неустроев аатын үйэтитии;
— Саха драматургиятыгар саҥа ааттары киллэрии;
— Сахалыы кэмиэдьийэ жанрыгар болҕомтону тардыы.
Сүрүн ирдэбиллэр:
— 18 үѳһэ саастаах, айар таһымыттан тутулуга суох ким баҕарар кыттар кыахтаах;
— Биир киһи биир эрэ айымньынан кыттар;
— Айымньы кѳмпүүтэргэ Word программаҕа Times New Roman шрибинэн (14 размер, 1,5 интерваллаах) бэчээттэммит буолуохтаах;
— Ааптар толору аата, псевдонима, тѳрѳѳбүт сыла, дьарыга (идэтэ), аадырыһа, тѳлѳпүѳнэ, электроннай аадырыһа толору ыйыллыахтаах;
— Айымньы бэчээттэммитинэн 5-15 сирэй буолуохтаах.
— Күрэскэ кыттыы 200 солк. тѳлѳбүрдээх.
Болдьоҕо:
Айымньыны 2020 сыл сэтинньи 1 күнүгэр диэри И.А.Аргунов аатынан Тааттатааҕы киин бибилэтиэкэ ситимигэр «Күлүү күҥҥэ тэҥнээх» диэн бэлиэтээн ыытаҕыт.
Бибилэтиэкэ аадырыһа: Таатта улууһа, Ытык Күөл бөһүөлэгэ, Софронов уул, 9, б.т.: 8 (41152) 41-954, +79142765752, электроннай почта: cod891@yandex.ru
Кыайыылаахтары бэлиэтээһин:
— Бастыҥ айымньы ааптардарыгар дипломнар уонна сыаналаах бириистэр туттарыллыахтара. Кыттыы иһин туоһу сурук электроннай почтанан ыытыллар;
— Бастыҥ айымньылар «Чолбон» сурунаалга бэчээттэниэхтэрэ.