Көҥүл бэриллибит тэрилтэлэргэ хааччахтааһыны күүһүрдүөхтэрэ
31.07.2021
Ил Дархан Айсен Николаев сыстыганнаах дьаҥ кэмигэр хааччахтааһыҥҥа көҥүл бэриллибит тэрилтэрин хонтуруоллааһын олоххо киирэрин туһунан ыйаахха илии баттаата.
Бу туһунан Ил Дархан уонна СӨ бырабыыталыстыбатын пресс-сулууспата иһитиннэрдэ.
Ол курдук, ааспыт нэдиэлэҕэ сыстыганнаах дьаҥынан сутуллуу 2З% элбээтэ. 53% — Дьокуускай куоракка. Маны таһынан, Мииринэйгэ, Алдаҥҥа, Нерюнгригэ, Бүлүүгэ, Ньурбаҕа, Сунтаарга уонна Горнайга ыалдьыбыт дьон ахсаана элбэх. 18-29 саастаах ыччат ыалдьара үгүстүк бэлиэтэнэр.
Докумуон өрөспүүбүлүкэтээҕи судаарыстыбаннай кылаабыынай санитарнай быраас сыстыганнаах ыарыыга сутуллуу элбээбитинэн киллэрбит этиитигэр олоҕурда. Эргиэн тэрилтэлэригэр, уопсастыбаннай тырааныспарга, уопсастыбаннай сирдэргэ мааска кэтиитэ булгуччулаахтык ирдэнэр.
+1
+1
+1
+1
+1
+1
+1