Күһүҥҥү киһи күлбүтүнэн

Ааптар: 
Бөлөххө киир:

СӨ Тыа хаһаайыстыбатын министиэристибэтин тиэргэнигэр ас-үөл атыытын дьаарбаҥката тэрилиннэ. 

«Күһүҥҥү киһи күлбүтүнэн» диэн мээнэҕэ этиллиэ дуо?  Тыа сириттэн анаан аҕалбыт сибиэһэй астарын-үөллэрин арааһа дэлэччи  тардылынна. Сибиэһэй эт, балык, үрүҥ ас, оҕуруот, сир аһын арааһа элбэх. Бу атыыга-тутууга дьон-сэргэ ордук Аллайыаха чыырын сэҥээрдэ диэн СИА бэлиэтиир.
Дьаарбаҥкаҕа Амма, Нам, Мэҥэ Хаҥалас, Кэбээйи, Уус Алдан, Чурапчы, Булуҥ, Аллайыаха улуустарыттан кыттыбыттар. Тэрээһини СӨ Тыа хаһаайыстыбатын министиэристибэтэ уонна «Якутские продукты» ТХПК иилээбиттэр-саҕалаабыттар.
«Якутские продукты» ТХПК бэрэссэдээтэлэ Павел Чириков СИА кэрэспэдьиэнигэр дьаарбаҥкалар олохтоох бэйэ оҥорон таһаарааччылар астарын-үөллэрин атыыга батаралларыгар, дьон-сэргэ ордук туохха наадыйарын сабаҕалаан билэллэригэр көмөлөөҕүн бэлиэтээбит. Итиэннэ кэлэр өрөбүллэргэ өрөспүүбүлүкэтээҕи дьаарбаҥка ыытылларын эппит.
Оттон Тыа хаһаайыстыбатын министиэристибэтэ иһитиннэрбитинэн,  куорат олохтоохторун уонна ыалдьыттарын «Продовольствие-2020» ас-үөл быыстапка-дьаарбаҥката Комсомольскай болуоссакка балаҕан ыйын 26-27 күннэригэр күүтэр.
+1
0
+1
0
+1
0
+1
0
+1
0
+1
0
+1
0