Ил Дархана Айсен Николаев Анал этиитигэр өрөспүүбүлүкэҕэ күөх төлөн утаҕын тардыыга тохтоото.
Балаҕан ыйын бүтүүтүгэр «Газпром» ПАУо кытта өрөспүүбүлүкэни күөх төлөн ситиминэн хааччыйыы бырагыраамата бигэргэммит. 2025 сылга диэри «Сибиир күүһэ» гаас ситимиттэн Өлүөхүмэ, Ленскэй, Алдан уонна Нерюнгри оройуоннарыгар 16 нэһилиэнньэлээх пуун күөх төлөнүнэн туһанар кыахтаныа. Биэс нэһилиэнньэлээх пууҥҥа бырайыактыыр үлэлэр ыытыллыахтара. Күөх төлөн ситимин киллэрии Саха сирин уон тыһыынчан олохтооҕун олоҕун-дьаһаҕын хаачыстыбатын тупсарыа диэтэ.
Өрөспүүбүлүкэҕэ убаҕас гааһы туттуу бырагыраамата бигэргэтиллиэҕэ диэтэ. Гаас заправкатын инфраструктуратын тэрийэргэ газомоторнай оттук ырыынагын өйүүргэ быһаарыылар ылыллыбыттар. Газомоторнай оттугу киллэрии экэниэмикэҕэ, тулалыыр эйгэҕэ суолталаах буолуоҕун бэлиэтээтэ.